VBC Rämi Zürich

Ändlich isch es so wiit, mir als Team mached zum erste Mal a Spielsunntige mit. S’Chrampfe, Trainiere und Üebe hät sich glohnt. Sogar es System häm mer jetzt, zwar klappts nonig ganz aber es chunt scho no. Jede het sin Platz und Jede git sis Best, um sini Ufgab guet z’mache. Spass häm mer bi jedem Training und s Team isch mega cool. Eusi Kommunikation undernand isch gross und Lache und Sprüch riesse sind im Training gsetzt. Nur uf em Feld holpperets mängisch no mit em Rede. Nöd immer sind mir ganz konzentriert, am Fritigabig nach nere lange, stränge Wuche, im Training.Aber mir gäbeds Best um i dere Saison guet abzschniede. Spass und Teamgeist händ bi eus ersti Priorität, dass merkt mer au im Trainingsweekend. I eusere Freiziit rede mir über Alles, spieled Spieli und gnüssed d’Ziit i Zuchwil. Au wenn vieli direkt vo de Ferie cho sind und mega müed sind, sind mir voller Motivation und gäbed euses Beste.FÄTZE !